” منزلتش لشخص محدد ..أنا عامل ليهم كلهم” محمد إمام يوضح حقيقة تصريحاته حول جدل الأعلى أجرًا
أوضح الفنان محمد إمام ، حقيقة توجيه رسالة لشخص بعينه من حديث سابق له بشأن الأعلى أجرا في الوطن العربي، وذلك عبر حسابه الشخصي بموقع التواصل الإجتماعي فيسبوك.
فكتب محمد إمام قائلا: " أنا مش عارف ليه في ناس فهمت إن أنا نزلت بوست لشخص محدد، أنا عامل ليهم كلهم ونتكلم جد شويه، أنا عمري لا حطيت حد ولا هحط حد في دماغي ، وده اللي اتعلمته من أبويا ربنا يخليه لينا".
وأكمل إمام : " إني أكون ابن أكبر نجم في التاريخ، ووصلت للي أنا فيه دلوقتي ده ماكنش سهل أبداً وده كان بفضل حبكم ودعمكم ليا بعد فضل ربنا، يعني أنا أصلاً فيا اللي مكفيني وحقيقي بتمنى الخير للجميع " .
وأختتم الفنان محمد إمام منشوره : " المنافسة دي بتخلينا نطلع أحسن ما فينا ، وكل ده في صالح الجمهور العظيم اللي زيكم .. بشكر كل اللي بيحبني.. أنا بحبكم أكتر بكتير وانتوا أهم حاجة في حياتي" .
هذا ونشر الفنان محمد إمام، مقطع فيديو عبر حسابه بموقع التواصل الاجتماعى فيس بوك ، تزامنا مع ماتم تداوله بشأن مسألة الأعلى أجرًا ، وجاء الفيديو من أحد أعمال محمد إمام الشهيرة و علق :" واضح إن الكينج حارق ناس كتير بس مش مهم " .
المعروف أن الفنان محمد إمام يشارك بالسباق الرمضاني المقبل بمسلسل " الكينج " ، وهو من بطولة كل من : حنان مطاوع، عمرو عبدالجليل، ميرنا جميل، سامى مغاورى، حجاج عبدالعظيم، ومن تأليف محمد صلاح العزب، إخراج شيرين عادل.