بعد نشر فيديو مع طليقته.. مسلم: ايه القرف ده ! الزواج والطلاق بقى في هزار وترند
علق مطرب المهرحانات مسلم، على تداول مقطع فيديو يجمعه بطليقته البلوجر يارا تامر، في أحد المتاجر التلفونات المحمول.
وكتب مسلم، عبر صفحته على موقع تبادل الصور والفيديوهات إنستجرام، خلال خاصية الاستوري: قائلا: إيه القرف ده هو بجد الناس بقت مستنية أي ترند وخلاص؟ حتى في البيوت والزواج والطلاق بقى هزار وترند؟!.
تابع: امبارح كنت بشتري تليفون جديد عادي جدًا زي أي بني آدم بيغير تليفونه كل سنة، يقوم صاحب الستور ينزل فيديو قديم ليا أنا وطلقتي ويقول إنه جديد وإن أنا جايب ليها هدية! وأنا أصلاً كنت بشتري التليفون لنفسي، ومتصورت بتنين عشان كنت بنقي بين المساحات، واختارت واحد وروحت. ألاقيه عامل ترند على حسابه وبيقول إننا رجعنا لبعض.
وأختتم: بجد مش مقدر حجم المشاكل اللي ممكن يسببها، بس أنا حبيت أوضح لأني ما بحبش المرض وحب الشهرة بالطريقة دي وأنا دفعت زي أي إنسان عادي جدًا، ومفيش بيني وبينها غير كل احترام، وشكرًا.
