خالد الغندور يهاجم قرار إلغاء الهبوط: ”يعني إيه دوري فيه بطل ومفيهوش هبوط؟!”
أثار الإعلامي خالد الغندور الجدل خلال تصريحاته في برنامج "الحريفة" عبر قناة أون سبورت، بعدما انتقد بشدة الحديث عن إمكانية إلغاء الهبوط في الدوري المصري هذا الموسم، واصفًا الأمر بغير المنطقي وغير العادل.
وقال الغندور بنبرة حادة: "البس جزمة.. البس بوت، في الدوري المصري لغوا الهبوط! إيه اللي بيحصل ده يا جماعة؟ يعني إيه دوري يكون فيه بطل وميكونش فيه هبوط؟!"، متسائلًا عن عدالة هذا القرار في حال تم تطبيقه.
وأضاف: "دوري كورونا مفيهوش هبوط تمام، لكن إزاي دوري السنادي يبقى فيه هبوط، وبعدين فجأة نلغيه؟ مع احترامي للإسماعيلي والمحلة، لكن ده مش عدل".
وضرب الغندور أمثلة من دوريات عالمية لإبراز تناقض القرار، مشيرًا إلى أن "أهلي جدة نزل ويوفنتوس نزل قبل كده.. مفيش حد فوق القانون".
يُذكر أن الحديث عن إلغاء الهبوط هذا الموسم أثار حالة من الجدل بين المتابعين، في ظل احتدام المنافسة في مؤخرة جدول الترتيب، ووجود أندية كبيرة مهددة بالهبوط.