أول تعليق من يسرا على أزمة بوسي شلبي وورثة الساحر
علقت الفنانة يسرا على الأزمة المثارة بين الاعلامية بوسي شلبي و ورثة الساحر محمود عبد العزيز.
ونشرت يسرا عبر صفحتها الرسمية في موقع التواصل الاجتماعي إنستجرام صورة الفنان الراحل محمود عبد العزيز والإعلامية بوسي شلبي، وكتبت في التعليق: "في ناس وجودهم في حياة حد بيكون أكبر بكتير من كلمة "زوجة" أو "شريكة حياة"… بيكونوا الروح اللي بتسنده، والقلب اللي بيدق مكانه لما يتعب".
وأضافت يسرا: "بوسي… مش بس كانت زوجة لمحمود عبد العزيز، كانت الونس، والسند، والحب اللي مابيخلصش، "لحد آخر نفس في عمره، كانت معاه زوجة علي سنة الله و رسوله … مافكرتش في نفسها لحظة، كانت كل همّها هو يكون بخير، حتى وهو بيمشي من الدنيا".
واختتمت يسرا رسالتها قائلة: "واللي عرفها عن قرب، يعرف إنها نفس الطيبة، اللي عمرها ما اتأخرت، ولا تراجعت عن وقفة، ولا بخلت بحنية. هي الحُب اللي مابيطلبش حاجة… والجدعنة اللي بتظهر وقت الجد… والمخلصة بجد، من غير ما تتكلم".