اوعى تبقى على حد مهما كان في قلبك.. رسالة نارية غامضة من شقيق ياسمين عبد العزيز

نشر الفنان وائل عبد العزيز، شقيق الفنانة ياسمين عبد العزيز، تعليقا عبر حسابه على موقع التواصل الاجتماعى "تويتر"، وجه من خلاله رسالة غير مباشرة إلى شقيقته ياسمين عبد العزيز، وذلك بعد الأزمة التى نشبت بينهما فى الفترة الأخيرة بسبب علاقتها بالفنان أحمد العوضى. وقال وائل، في تغريدته: "مفيش حد في الدنيا دي بيعمل أي حاجة غصب عنه.. اللي بيحبك هيقعد واللي بايعك هيرحل.. اوعى تفرض على حد أي شيء مهما كانت صلته بيك أو مدى قربه". وأضاف: "ومتستناش أي حاجه من أي حد غير ربك.. واللي يحاول يخسرك ساعده ولو فكر يبيعك مرة بيعه انت ألف مرة.. اوعى تبقى على حد أو لأي حد مهما كان في قلبك". وتابع وائل قائلا: "خليك بس مع اللي يدور على سعادتك ومصلحتك.. اللي بيعمل حسابك قبله.. اللي شايفك من أولوياته.. اوعى تقبل تبقى احتياطي في حياة حد بس عشان بتحبه لو بقيت احتياطي عمرك ما هتنزل الملعب.. ومتقبلش بنص الكوباية يا تاخدها كلها يا مش عايزها.. دور بس على إسعاد نفسك ولما تسعدها الكل هيدور على سعادتك". وأخيرا قال وائل: "عندي سؤال: هو حد هيحب نفسك أكتر من نفسك؟!! لا أكيد.. طيب ما تجرب تحبها قوى!".