السيسي: لازم نوضح للمواطن أثر الزيادة السكانية على استهلاك السلع

 

قال الرئيس عبد الفتاح السيسي إنه لابد من وضع المعلومات الاقتصادية في سياق ليستطيع المواطن استيعابه.

وأضاف السيسي، خلال افتتاح عدد من المشروعات القومية في صعيد مصر من محافظة قنا، مخاطبا وزير الزراعة الدكتور عبد المنعم البنا: "نعمل سياق نقدم بيه للناس الموضوع، يعني حضرتك اتكلمت عن إنتاجنا للسكر وعلاقة بزيادة السكان، كنا 24 كيلو للفرد في السنة بقى 34، أنا بقول كده للمصريين عشان يبقوا عارفين إننا كدولة في سبق إننا نوفر السلع دي بسعر مناسب، مش سكر بس وقمح وزيت كمان، واللي بينطبق على ده بينطبق على اللحوم وغيره".

وتابع السيسي: "بنقول الكلام ده عشان نبقى عارفين فرق القيمة جاء منين، زمان كان في دعم خفي للدولار بشكل غير مباشر، كان بيقلل القيمة، الدولة بشكل أو بآخر كانت بتدعم سعر الجنيه، وده كان وضع خطير جدا، دلوقت إنت بتنافس بالسعر العالمي".