طباعة أرسال لصديق

منحة الاى تى اى للخريجين

فريق معا

هى عبارة عن منحة دراسية مدتها 9 شهور مقدمة من وزارة الاتصالات بالتعاون مع معهد تكنولوجيا المعلومات ITI

 

ايه هو الهدف منها:

اعداد خريجى تكنولوجيا المعلومات قادرين على المنافسة عالميا

يعنى هى خاصة بتكنولوجيا المعلومات وملهاش فى المجالات الادارية يعنى مثلا مفيهاش تخصص ادارة

يعنى اللى شايف نفسه بيحب الكمبيوتر لدرجه يبقى هو كمبيوتر وحياته كمبيوتر وشغله كمبيوتر يقدم  عليها

 

ايه هو شروطها:

1 خريج احد الجامعات او المعاهد المصرية المعترف بيها وان يكون خريج اخر ثلاث سنوات (2009 - 2010 - 2011 )وبالنسبة للصبيان لو دخلت جيش وفاتك فرصة التقديم ممكن يراعوا الموقف لو كان عدى سنة او سنتين

2 التقدير التراكمى لشهادة الكلية جيد على الاقل  

3 تم تحديد موقف التجنيد بالنسبة للذكور

4 مصرى الجنسية

 

طب هى المنحة دى هتضيفلى ايه ( ايه اهميتها بالنسبة لى ):

المنحة دى كلها مميزات

1 افضل منحة فى مصر

2 بيتصرف عليك مبالغ كتييير اوى بلاش نقولها دلوقتى

3 بتاخد مرتب اثناء فترة الدراسة بالكامل

لو تقديرك التراكمى جيد هتاخد 800

لو جيد جدا 1000

لو امتياز 1400

يعنى بتتعلم وكمان بتاخد مرتب

هو فى حد لاقى :D :D :D

 

4 هتستلم لاب توب وهيبقى بتاعك بعد لما تخلص بص هيتخصم تمنه من مرتبك يعنى هيتخصم 400 ج على مدار فترة الدراسة 9 شهور.....

وانا بقولك اللاب توب دة فى الغالب كويس جدا مواصفاته عالية ولو حبيت تجيب زيه مش اقل من 6000 ج وانت هتخده بحوالى 4000 جنيه وكمان تقسيط على 9 شهور

 

نيجى للميزة الخامسة

مكانة علمية مرتفعة يعنى هتتعلم منها كتييير اوى ومش هتلاقيه فى اى مكان برة

وكمان فى اقسام مفيش خريجين منها الا ITI فقط ومفيش  اى مكان فى مصر بيطلع الناس دى

 

نيجى للميزة السادسة واهم ميزة فيهم كلهم

الاى تى اى مش مجرد منحة او كورس

لا

دى دبلومة

يعنى دراسات عليا

يعنى لو حبيت تكمل ماجستير

بتاهلك انك تكمل ماجستير فى جامعة نوتينجهام انجلترا فى 3 شهور بس

يعنى مش سنة ولا سنتين

وكمان فى تعاقد مع جامعات اخرى بالنسبة لقسم ميكاترونيكس واقسام تانية

يعنى خلال سنة عملت دبلومة وماجستير

 

 

طيب بالنسبة لشهادة التويفل هقدمها امتى:

دى متشغلش بالك بيها دلوقتى ركز فى نجاح واجتياز الاختبارات والمقابلات الشخصية وان شاء الله بعد القبول تقدر تقدمها فى وقت خلال فترة الدراسة

 

طيب ايه اقسام الدراسة فيها

 

اللينك دة هتلاقى فيه تفاصيل الدراسة وشروط كل قسم

http://www.iti- admission. net/

ولو عايز تفاصيل اكتر عن اقسام الدراسة

http://www.iti. gov.eg/training. asp

 

 

طب ازاى اقدم

التقديم على الموقع دة كل سنة بدأ من يوم 15/7 حتى يوم 31/8

http://www.iti- admission. net/

 هتلاقى Apply Now  اخر الصفحة

http://www.iti- admission. net/UserManagmen t/WebSite/ Registration. aspx

 

طيب هى فيها اختبارات للقبول:

فى اختبارين IQ - English

 

طيب نجهز نفسينا ازاى عشان ننجح ونعدى من الاختبارات والانترفيو:

دة من خلال مذاكرة الماتريال اللى مرفوعة على جروب معا والخاصة بالاى كيو والانجليش ومهارات الانترفيو