أحمد منصور يكتب: حلم مواطن بالدستور الجديد

أحمد منصورأحمد منصور
2013-04-11 14:46:15

بقلم الباحث /احمد منصور مستشار التحكبم الدولى

 

أولا قانون الأشخاص المواطنين المصرين

1- مش هرمى ورق فى الشارع وهيكون شارعى نظيف

2- مش هكون شيطان أخرس بعد كده لو شوفت غلط هنادى وأقول غلط

3 - مش هعاكس بنات ولا أتعدى على حريه الأخرين

4- هساعد فى كل ما يجعل دولتى متقدمة

5 - هحترم ظابط الشرطة مقابل أن ظابط الشرطة يحترمنى

6- مش هحاول أشوف واسطة علشان يعملى مصلحة وهعملها بمجهودى لو أنا أستحقها

7 - مش هركب فى أتوبيس عدده 30 وألاقى 50 واحد راكبين جواه

8 - فى شغلى هشتغل بكل ضمير ومش هكسل ولا أعدى اليوم وخلاص

9 - هشارك فى انتخابات نزيه واختار اللى أشوفه من نظرى أنه يصلح

10 - هرفع رأسى لفوق أوى وأقول أنا مصرى وأفتخر

ثانيا قانون أفرد الشرطة

1- على ظابط الشرطة مهما كانت رتبته أن يعلم أنه فى خدمة المواطن الصالح ويقف مثل السد المنيع أمام الخارجين عن القانون

2 - على السادة ظباط الشرطة عدم تلفيق تهم وخلاص ونقفل محاضر علشان نترقى

3 - على السادة ظباط الشرطة احترام المواطن والتعامل معه بكل تحضر وأسلوب حضارى راقى لأن احترامك للمواطن من احترامك لذاتك

4 - على السادة ظباط الشرطة عدم مشاهدة برنامج المصارعة الحرة وتطبيقها داخل الإقسام مهما كان المذنب فهو بشر هناك قانون وهناك حاكم وهناك عقاب

5 - على السادة ظباط الشرطة اللى بيكونوا فى دوريات ليلية ياريت تطلع بعربية حضرتك ومعاك قوة من قسم الشرطة وتلف فعلا فى البلد هتلاقى مشكلة هتحلها مش هتلاقى حرامى لأنه هيخاف أنك تمسكه مش هتلاقى عادات سيئة كتيرة

6 - أنت كظابط شرطة أقعد مع نفسك خمس دقايق وشوف أنت ليه ربنا خلقك وليه خلاك ظابط وأنت هتعرف أنت لازم تعمل إيه؟

7- لكل ظابط شرطة أعلم أنك مهما عشت فأنك ميت وهناك حساب وكل عمل تفعله فأنت مجازى به والحياة قصيرة فلا تكثر من الأثقال

ثالثا قانون السادة الوزراء

1 - على السادة الوزراء عدم الجلوس فى مكاتبهم تحت التكيف وينسى مشاكل الشعب حاول تحلها وأبحث دائما عن الحلول

2 - بلاش والنبى محسوبية ووسطة وده ابن فلان والامضائات اللى باللون الأزرق والأحمر

3 - دايما شوف مين يستحق أنه يبقى معاك فى وزارتك ومين تشيله علشان مش شايف شغله

4 - أيها الوزير أنت عامل أنت عامل أنت عامل دائما افتكر إنك تعمل عند المالك والمالك هو الشعب والملك لله

5- اجعل كلامك صادق ولا تقوم بالوعد إلا لما تستطيع أن تحققه

6- مصارحه الشعب

رابعا قانون رئيس الجمهورية

1 - لو ناوى تسرق بلاش تشيل فلوسك فى سويسرا علشان لما نحب ناخدها نجيبها على طول شيلها فى البنك المركزى

2- تسرق ليه واحنا اخترناك تبقى أمين على شعب تبقى أمين على فلوسنا تبقى أمين على أرضنا

3 - حاول إنك توصل بالشعب لبر الأمان

4- اعمل ما يمليه عليك ضميرك

5- الشعب 90 مليون وكلهم أخدوا نمر بعض وهى رنه الجمعة التحرير أنت هتطير

ده دستور من وحى خيالى

انضموا هنا لمتابعة مقالات احمد منصور

https://www.facebook.com/Presidentahmedmansour

 

 

118710