الأحد 19 مايو 2024 10:28 مـ 11 ذو القعدة 1445 هـ
جريدة النهار المصرية رئيس مجلس الإدارة ورئيس التحريرأسامة شرشر
الزمالك يحافظ على تقدمه بهدف أمام نهضة بركان قبل الـ15 دقيقة الأخيرة بالمباراة غدا..انطلاق فاعليات منتدى المناطق الصناعية الصديقة للبيئية في مصر «‏‎شباب سلة الأهلي» يتوج ببطولة الجمهورية التليفزيون الإيرانى يعلن الاتصال بأحد ركاب مروحية إبراهيم رئيسى وفرد من الطاقم جلسة تصوير لفاطمة ناصر في وسط القاهرة وتستعد لعمل عربي كبير قريبا الكشف على (927) مواطن لفعاليات قافلة جامعة المنصورة المتكاملة ”جسور الخير 21” بحلايب وشلاتين الفنانة المصرية سارة الصياد تقدم برامج تحفيز الشباب العربي في دبي طلاب قسم طيران هندسة المنصورة الجديدة تنفذ نفق هوائي (wind tunnel) لاستخدامه في تصميم اجنحه الطائرات بمختلف انواعها فتاة في قرية بالفيوم تقتحم صلاة جنازة متوفي وتطالب باسترداد دينها تفاصيل المؤتمر الصحفي للإعلان عن تفاصيل الدورة الأولى لمهرجان دراما رمضان زوجة تتخلص من طفل وتقتله وتلقي جثته من الطابق الثاني في بنها الزمالك يتقدم على نهضة بركان بهدف في الشوط الأول

حوادث

كله كان بيحاول يستخبى.. ننشر نص تحقيقات مقتل ”شيماء” طفلة بولاق الدكرور… خاص


حصلت "جريدة النهار المصرية"، على نص التحقيقات في قضية مقتل الطفلة شيماء صاحبة الـ ١٣ عامًا، والتي لقت مصرعها في منطقة بولاق الدكرور إثر طلقة نارية استقرت بفكها، لتلفظ الفتاة أنفاسها وسط بركة من الدماء.

وكشف الشاهد "إسلام.ر"، تفاصيل مقتل الطفلة في تبادل لإطلاق النيران بين مجموعة من الخارجين عن القانون بمنطقة بولاق الدكرور، مؤكدًا أنه فور سقوط الطفلة بعد إصابتها بالعيار الناري جميع من في الشارع حاولوا الاختباء من الطلقات.

وإلى نص التحقيقات:


س/ ما علاقتك بالمجني عليها والقضية المذكورة؟


ج/ أنا جار المجني عليها بالمنطقة وشوفتها لحظة ما اتصابت ووقعت.

س/ وما معلوماتك بشأن الواقعة؟


ج/ اللي أعرفه إن فيه خناقة حصلت في المنطقة عندنا بين سمير صبري ومجموعة كانت معاه مش عارف أساميهم بظبط، وواحد اسمه محمود ناصر، والشهير بـ"قوطة" وكان معاه برضه مجموعة من الناس وفضلوا يضربوا بعض بمسدسات وشماريخ، وفي الوقت ده لقيت الطفلة شيماء بتحاول تستخبى من الضرب وحاولت أني أبعدها عن الخناقة وقلتلها وهي ردت عليا وقالتلي أنها هتشوف أخوها وهتروح على البيت ومرة واحدة لقيتها وقعت على الأرض جريت أشوف مالها فيها إيه لقيتها بتنزف دم من وشها.


س/ من كان برفقتك آنذاك؟
ج/ هو كان فيه أهالي كتير في الشارع بس كل واحد كان بيحاول يستخبى في حتة.

س/ وما الذي شاهدته آنذاك؟

ج/ شفت سمير صبري واللي معاه واقفين ناحية أول الشارعع من عند محل العصير، و"قوطة" واللي معاه واقفين الناحية التانية وبيضربوا بعض بالنار والشماريخ وصواريخ.


س/ ما هي الأسلحة التي كان يحملها المتهمين؟


ج/ سمير صبري كان معاه مسدس في إيده بيضرب بيه واللي معاه كان معاهم شماريخ وازايز بيحدفوها على بعض، و"قوطة" كان ماسك مسدس بيضرب بيه واللي معاه كان معاهم شماريخ وحاجات تانية بيحدفوها.


س/ ومن أين استحصل المتهمين على هذه الأسلحة؟

ج/ هما المتهمين معروفين في المنطقة أنهم بتوع مخدرات وبيبلطجوا كتير في الشارع وطبيعي إن يكون معاهم الأسلحة دي.

س/ وهل سبق وأن حدثت مشاجرة بين الطرفين قبل تلك الواقعة؟

ج/ أيوا أنا عرفت إن فيه مشاجرة قامت بينهم قبل الواقعة دي بكام ساعة، وهي كانت السبب في المشاجرة التانية.


س/ وما هو عدد الأعيرة النارية التي أطلقها المتهم سمير صبري؟

ج/ معرفش بظبط بس كان عدد كبير من الطلقات ورا بعض.


س/ وما هو مكان تواجد المجني عليها آنذاك؟

ج/ المجني عليها كانت في وش سمير صبري واللي معاه وواقفة ورا قوطة واللي معاه وكانت بتحاول تتدارى في أي حتة.

س/ وما هو سبب ومناسبة تواجد المجني عليها بمحل الواقعة؟

ج/ كانت بتشتري طلبات للبيت واتفاجئت بضرب النار ومعرفتش تستخبى فين.

س/ وكيف حدثت إصابة المجني عليها تحديدًا؟

ج/ جالها طلق ناري أصابها جنب بوقها وبدأت تنزف منه دم كتير.

س/ وما الذي بدر منك آنذاك؟

ج/ جريت عليها بسرعة فلقيتها متصابة وبتنزف دم من بوقها وساعتها في حد من عندنا من المنطقة اسمه مصطفى شالها وأخدها للمستشفى.